विप्लवले दिए यस्तो चेतावनी :गृहमन्त्री निधिलाई - newsallabc.com
watch+more+videosCHAUTARI+JAN+SEWA+ICON

Friday, February 3, 2017

विप्लवले दिए यस्तो चेतावनी :गृहमन्त्री निधिलाई

Get Breaking National And World News, Broadcast Video Coverage, And Exclusive Interviews. Find The Top News Online, More Video Channel, Live Radio Station and Top Movies at Only NEWSALLABC. CLICK HERE  https://newsallabc.blogspot.it  FOR MORE UPDATES.


काठमाडौ –नेपाल कम्युनिष्ट पार्टी माओवादीका महासचिव नेत्रविक्रम चन्दले आफ्नो पार्टीका गतिविधि रोक्न सरकार लागिपरेको भन्दै राज्यको यस्तो रवैयाविरुद्ध सशक्त प्रतिकार गर्ने चेतावनी दिएका छन् । महासचिव विप्लवले आज एक बिज्ञप्ति जारी गर्दै केही समयदेखि राज्यले नेकपा माओवादीविरुद्ध धरपकड, दमन र भ्रामक प्रचार गर्दै आएको पनि बताएका छन् ।

विप्लवले जारी गरेको विज्ञप्तिमा भनिएको छ ‘बिहीबार मन्त्रिपरिषद्मा गृहमन्त्रीले हाम्रो पार्टीबाट राज्यलाई चुनौंती भएको भन्दै पार्टीका गतिविधिमाथि नियन्त्रण गर्ने खालको प्रस्ताव गरेको समचारप्रति हाम्रो गम्भिर ध्यानाकर्षण भएको छ । ’

त्यस्तै महासचिव चन्दले आफ्नो पार्टी राष्ट्रिय स्वाधिनता, सार्वभौमिकता, जनताको अधिकार, जनताको सुविधाको पक्षमा अग्रभागमा बसेर काम गरिरहेको छ भन्दै भ्रष्टाचार, तस्करी, महङ्गी, कालोबजारी, अराजकताविरुद्ध संघर्ष गरिरहेको जनाएका छन् ।

उनले भनेका छन् ‘यतिवेला हाम्रो पार्टी फाल्गुन १ गतेदेखि १० गतेसम्म ऐतिहासिक आठौं महाधिवेशन गर्ने काममा जुटिरहेको छ र महाधिवेशनको तयारी अन्तिम चरणमा पुगेको छ । यहीबेला हाम्रो पार्टी विरुद्ध एकदमै भ्रामक प्रचार राज्यका सञ्चारमाध्यमबाट गर्नु भनेको हाम्रो महाधिवेशनलाई बाधा पुर्याउने र जनताको आकर्षणलाई भाड्ने खेल हो ।

यो गम्भीर किन पनि छ भने राष्ट्र र जनताको पक्षमा काम गर्दा, साथै गलत कार्यकोविरुद्ध संघर्ष गर्दा उक्त कार्यहरुलाई प्रोत्साहित गर्नुको सट्टा उल्टो दमन गर्नु भनेको राज्यले नै देशलाई अशान्ति र द्वन्द्वतिर धकेल्ने कार्य गर्नु हो ।’

राज्यको यस्तो दमनकारी नीतिबाट आफ्नो पार्टी विचलित नहुने बरु बरु शसक्त प्रतिरोधको गर्ने महासचिव चन्दले जनाएका छन् ।

चन्दले प्रचण्ड सरकारलाई यस्तो जनघाती काम रोक्न र आफुले अगाडि बढाएका विषयमा गम्भीर हुन आग्रह समेत गरेका छन् । अन्यथा आउने परिस्थितिको जिम्मेवार राज्य नै हुने चेतावनी समेत चन्दले दिएका छन् । उनले राज्यको दमनकारी र भ्रामक कार्यको देशव्यापी रुपमा भण्डाफोर र प्रतिरोध गर्न सम्पूर्ण पार्टी पंक्तिलाई अपिल गरेका छन् ।
netra-bikram-chand-biplav

No comments:

Post a Comment

glx_6ade594afe9068045aa35bac89aa33d7.txt Galaksion check: bafad3572f66b59de231e22e5d7d0167