आइफोनको नयाँ संस्करण यस्तो छ !

Get Breaking National And World News, Broadcast Video Coverage, And Exclusive Interviews. Find The Top News Online, More Video Channel, Live Radio Station and Top Movies at Only NEWSALLABC. CLICK HERE ⇒ https://newsallabc.blogspot.it ⇐ FOR MORE UPDATES. तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।

आइफोनको होम बटन अब लामो समय यो संसारमा रहने छैन । एप्पललाई ‘आइआर डिओड्ससहितको अन्तरक्रियात्मक डिस्प्ले प्यानल’ का लागि प्रतिलिपी अधिकार प्रदान गरिएको छ ।

यो एउटा प्रणाली हो, जसले प्रयोगकर्ताहरुलाई टच स्क्रिनभित्र राखिएको भर्चुअल होम बटनमार्फत मोबाइल एक्टिभेट गर्ने सुविधा प्रदान गर्छ ।

यूएस प्याटेन्ट एन्ड ट्रेड अफिसले मंगलबार सार्वजनिक गरेको यो प्रविधिले परम्परागतरुपमा आइफोनको स्क्रिन तल ठाउँ ओगटिरहेको भौतिक होम बटनलाई प्रतिस्थापन गर्न सक्नेछ । यो प्रविधि सबैभन्दा पहिले एप्पलको ट्र्याकिङ साइट एप्पल इन्साइडरले पत्ता लगाएको थियो ।

सन् २००७ मा एप्पलका सहसंस्थापक स्टिभ जब्सले आइफोनको निर्माण गरेपछि यसलाई सञ्चालन गर्ने सबैभन्दा मुख्य बिन्दुका रुपमा गोलाकार होम बटन रहँदै आएको थियो ।

सन् २०१३ मा एप्पलले टच आइडीको विकास गरेपछि होम बटनको विस्थापनको अड्कलवाजी चल्न थालेको थियो । टच आइडी एउटा फिंगरपि्रन्ट सेक्युरिटी सेन्सर हो, जसले यसको आइफोन ५ एसका प्रयोगकर्तालाई पासवर्ड टाइप गर्नु नपर्ने सुविधा दिलाएको थियो । अहिले टच आइडी सेन्सरलाई होम बटनभित्रै राखिएको छ ।

एप्पलले २०१५ मा होम बटनको आवश्यकता नरहने गरी फिंगरप्रिन्ट सेन्सरलाई टचस्क्रिनको शीशामुन्तिर सार्नका लागि प्रतिलिपी अधिकारको निवेदन दिएपछि उक्त अड्कलबाजी अझ झांगिएको थियो ।

एप्पलले पहिलो आइफोनका १० औं वाषिर्कोत्सव मनाइरहँदा आउँदा अर्को पुस्ताको फोन, जसलाई धेरैले आइफोन ८ भनिरहेका छन्, को हार्डवेयरमा ठूलो परिवर्तनको अपेक्षा गरिएको छ ।

अपेक्षित परिवर्तनमा भौतिक होम बटनको उन्मुलन पनि एउटा हो । यसका अन्य सम्भावित परिवर्तनहरुमा घुमाउरो डिस्प्लेसहितको ग्लास र स्टील बडी, ताररहित चार्जिङ र मोबाइल अनलक गर्ने एउटा विधिका रुपमा आइरिस स्क्यानरको प्रयोग लगायत रहेका छन् । यद्यपि यस विषयमा एप्पलले अहिलेसम्म कुनै आधिकारिक प्रतिक्रिया दिएको छैन ।