जिप दुर्घटनाः ७ को मृत्यु - डडेल्धुरा -

Get Breaking National And World News, Broadcast Video Coverage, And Exclusive Interviews. Find The Top News Online, More Video Channel, Live Radio Station and Top Movies at Only NEWSALLABC. CLICK HERE ⇒ https://newsallabc.blogspot.it ⇐ FOR MORE UPDATES. तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।

डडेल्धुरा ।

जिल्लाको पश्चिमी भागेश्वर गाविसबाट सदरमुकाम डडेल्धुरा आउँदै गरेको से १ज ८३३ नम्बरको जिप दुर्घटना हुँदा ७ जनाको मृत्यु भएको छ । चार जना घाइते भएका छन् ।

सदरमुकाम बगरकोट सडक खण्डको ठूलोखोला नजिकै बुधबार दिउँसो १२ बजे दुर्घटनामा परेको हो । जिप सडकबाट ३ सय मिटर तल खसेको छ । भागेश्वर गाविस ४ सतिगाउँका लक्ष्मण भट्ट, सोही ठाउँका ६० वर्षीय जयानन्द भट्ट, भागेश्वर–८ का गणेश सार्की, सोही गाविस ५ का नरपती पाण्डेय, कामदेव चटौतको घटनास्थलमै र दिवाकर पाण्डेयको उपचारका लागि अस्पताल ल्याउदै गर्दा बाटोमै मृत्यु भएको प्रहरीले जनाएको छ । यस्तै, भागेश्वर ७ का ६५ वर्षीय पदम मल्लको उपचारको क्रममा मृत्यु भएको पनि डडेल्धुरा प्रहरीले जनाएको छ ।

प्रहरी नायव उपरीक्षक प्रेमबहादुर शाहीले घाइते ४ जनाको उपचार उपक्षेत्रिय अस्पताल डडेल्धुरामा भइरहेको बताए । अस्पतालमा भिमसिंह ठगुन्ना, रामेश्वर भट्ट, किशोर भट्ट र जानकी भट्टको उपचार भइरहेको अस्पताल प्रशासनले जनाएको छ ।

जिप दुर्घटनाको खबर पाउने बित्तिक्कै उद्धारका लागि स्थानिय, प्रहरी, सशस्त्र पहरी आधा घण्टाभित्रमा घटना स्थलमा पुगेको प्रमुख जिल्ला अधिकारी उदयबहादुर सिँहले बताए । 

उकालो घुम्तीमा गाडी चालकको लापर्बाहीको कारण दुर्घटना भएको प्रहरीको प्रारम्भिक अनुसन्धानबाट बुझिएको छ । घटनास्थल सदरमुकामबाट करिव ७ किलोमिटर दुरीमा छ । जिल्लाका आन्तरिक रुटहरुमा उग्रतारा बस ब्यवासायी समितिले जिपहरु सञ्चालन गर्दै आएको छ । क्षमता भन्दा बढ्ता यात्रुहरु बोकेर जिपहरु सञ्चालन हुँदै आएका छन् । ग्रामीण क्षेत्र आवत जावत गर्ने अधिकांश सडक जोखिम पूर्ण छन् । निर्माणाधिन अवस्थामा रहेको वागबजार बगरकोट सडकमा बाटो खराब भएकै कारण दुर्घटना भएको हुन सक्ने स्थानीयको अनुमान छ ।