अब रोकियो मतदाता नामावली संकलन अभियान - नाम छुटेकाले मतदानमा भाग लिन नपाउने -

Get Breaking National And World News, Broadcast Video Coverage, And Exclusive Interviews. Find The Top News Online, More Video Channel, Live Radio Station and Top Movies at Only NEWSALLABC. CLICK HERE ⇒ https://newsallabc.blogspot.it ⇐ FOR MORE UPDATES. तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।

११ फागुन, काठमाडौं । तपाई स्थानीय तहको चुनावमा भोट हाल्न आतुर हुनुहुन्छ ? यदि आतुर हुनुहुन्छ र निर्वाचन आयोगले १८ बर्ष उमेर पुगे पनि मतदाता नामावलीमा नाम दर्ता गर्नुभएको छैन भने तपाईलाई आयोगले निर्वाचन प्रक्रियामा भाग लिन नदिने भएको छ ।

निर्वाचन आयोगले १८ बर्ष उमेर पुगे पनि फागुन ९ गतेभित्र फोटोसहितको मतदाता नामावलीमा नाम दर्ता गरेका नागरिकलाई मात्रै आगामी निर्वाचनमा भाग लिन दिने निर्णय गरेको हो ।

आयोगको निर्णयबारे अनलाइखबरलाई जानकारी दिँदै प्रमुख आयुक्त अयोधीप्रसाद यादवले भने, ‘फागुन ९ गतेसम्म १८ बर्ष उमेर पूरा भएकालाई मात्रै मतदानमा भाग लिन लिने निर्णय भएको छ । तर, यसका लागि उसको नाम फोटोसहितको मतदाता नामावलीमा यसअघि नै दर्ता भएको हुनुपर्छ ।’

मंगलबार बसेको आयोगको बैठकले त्यस्तो निर्णय गरेको हो ।

यसअघिका निर्वाचनमा भने निर्वाचत मिति घोषणापछि अभियानको रुपमा केही समय मतदाता नामावली संकलन गर्ने गरिएको थियो । यसपटक भने आयोगले निर्वाचनको मिति घोषणा गरेकै दिनबाट मतदाता नामावली संकलन बन्द गरेको हो ।

अब ०७३ साल फागुन ९ गतेसम्म १८ वर्ष पूरा भएका र मतदाता नामावलीमा नाम लेखाइसकेका नेपाली नागरिकले मात्र बैशाख ३१ गते हुने स्थानीय निर्वाचनमा मतदान गर्न पाउनेछन् । निर्वाचन तयारीका लागि पर्याप्त समय बाँकी नरहेकाले यस्तो निर्णय गरिएको आयुक्त नरेन्द्र दाहालले बताएका छन् ।

यस्तै निर्वाचन आयोगले मंगलबारबाटै मतदाता नामावली संकलनको काम बन्द गरेको छ ।