प्रचण्डको आग्रह मिल्नै नसक्ने गरी टाढा नजान मधेसी मोर्चालाई !

Get Breaking National And World News, Broadcast Video Coverage, And Exclusive Interviews. Find The Top News Online, More Video Channel, Live Radio Station and Top Movies at Only NEWSALLABC. CLICK HERE ⇒ https://newsallabc.blogspot.it ⇐ FOR MORE UPDATES. तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।

बालुवाटारमा प्रधानमन्त्री र मधेसी मोर्चाले सुनाए आआफ्नो 'बाध्यता’

७ फागुन काठमाडौं । चुनाव घोषणालाई लिएर प्रधानमन्त्री प्रचण्ड र मधेसी मोर्चाका नेताहरुबीच चर्काचर्की भएको छ । स्थानीय चुनावको मिति घोषणाको तयारीमा रहेका प्रधानमन्त्रीले शनिबार विहान मोर्चाका नेताहरुलाई बोलाएका थिए ।

बालुवाटारमा बैठकमा दुबै पक्षले आआफ्नो अडानलाई ‘बाध्यता’ भन्दै सुनाएका छन् र, सहमति विना उठेका छन् ।

प्रधानमन्त्री प्रचण्डले आफू एकदमै अप्ठ्यारोमा रहेको भन्दै निर्वाचनको मिति घोषणामा सहमति जनाउन आग्रह गरे ।

चुनाव घोषणा लगतै संविधान संशोधनमा केन्द्रीत हुने र तराई मधेसमा स्थानीय तहको संख्या बढाउने बताए । निर्वाचनको मिति घोषणा गरे संविधान संशेाधन प्रस्ताव संसदमा अघि बढाउन प्रमुख प्रतिपक्ष एमालेले साथ दिनेमा प्रधानमन्त्री विश्वस्त रहेको उनका राजनीतिक सल्लाहकार राजनीतिक सल्लाहकार चक्रपाणि खनालले जानकारी दिए ।

यो गठवन्धनलाई दिर्घकालीन रुपमा नै लैजानु पर्ने भन्दै उनले भने, यहाँहरुको सहयोग चाहियो ।

जवाफमा मधेसी मोर्चाका नेताहरुले भने चुनावको मिति घोषणा भएकै दिन आन्दोलन घोषणा गर्ने बताए । तमलोपा अध्यक्ष महन्थ ठाकुर, संघीय समाजवादी फोरमका अध्यक्ष उपेन्द्र यादवले आन्दोलन घोषणा आफूहरुको बाध्यता हुने बताए ।

सद्भावना पार्टीका अध्यक्ष राजेन्द्र महतोले चुनावको मिति घोषणा गरे टाढा हुनु पर्ने बताए । उनले भने, टाढा हुँदा हुँदा थाहा छैन कति पर पुग्ने हो ।’

मोर्चाका नेताहरुले चनाव घोषणा नगर्न दबाव दिँदै प्रधानमन्त्रीलाई धेरै प्रश्नहरु राखेका थिए ।

तर, प्रचण्डले ठोस जवाफ दिएनन् । माओवादी नेता नारायणकाजी श्रेष्ठले ‘धेरै नै गम्भीर कुराहरु आयो, एमालेसहितका दलहरुसँग भोलि नै छलफल गरौं’ भने ।

बैठकबाट उठ्दै गर्दा प्रधानमन्त्री प्रचण्डले मधेसी मोर्चाका नेताहरुलाई भोलि मिल्नै नसक्ने गरी टाढा नजान आग्रह गरेको छन् ।

प्रमुख तीन दलबीच स्थानीय तहको निर्वाचनको मिति तत्काल घोषणा गरेर जाने सहमति भइसकेको छ । र, त्यस अनुसार केही दिनमा नै मिति घोषणा हुनेछ ।